Jonathan Whittall, drejtues i zyrës së OKB-së për koordinimin e ndihmave (OCHA) në Gaza, ka paralajmëruar për kushte të pamundura për jetesë ndërsa bllokada e plotë është në muajin e tretë. Ai theksoi se agjencitë humanitare nuk mund të përmbushin kërkesat gjithnjë në rritje për shkak të dështimit të linjave të furnizimit. Spitalet janë të mbingarkuara, ushqimi është në mungesë dhe uji i pastër është i paarritshëm.
Whittall e cilësoi situatën si një “sulm ndaj dinjitetit” për banorët e Gazës, duke theksuar se një luftë e pa kufij është duke u zhvilluar, ku edhe punonjësit humanitarë dhe gazetarët janë të rrezikuar. Ai kërkoi heqjen e bllokadës dhe rinisjen e ndihmave humanitare për të shpëtuar jetët.
Në një njoftim të veçantë, OCHA paralajmëroi për një rënie të rëndë të disponueshmërisë së ushqimit dhe rritjen e shkallës së kequshqyerjes, sidomos te fëmijët. Ndihmat janë penguar dhe magazinat e ndihmave janë gati të zbrazura.
OKB-ja ka kërkuar gjithashtu një armëpushim të ri dhe qasje të pakufizuar për ndihmën humanitare në Gaza.
