Zonja e parë e Turqisë, Emine Erdogan, dënoi sulmet e vazhdueshme izraelite në Gaza, duke thënë se Izraeli po shënjestron civilë të pafajshëm, pavarësisht armëpushimit.
“Izraeli vrasës vazhdon të shënjestrojë të pafajshmit në tokat palestineze, duke shpërfillur armëpushimin,” shkroi ajo në X.
Ajo theksoi se populli palestinez ka rezistuar ndaj pushtimit dhe padrejtësisë për vite me radhë, ndërsa bota vazhdon të heshtë përballë këtyre krimeve.
Të paktën 404 palestinezë u vranë dhe 562 u plagosën nga sulmet ajrore izraelite të martën, duke shkelur një armëpushim që kishte zgjatur për gati dy muaj. Sulmet kanë vrarë më shumë se 48,500 palestinezë që nga tetori 2023, shumica gra dhe fëmijë.
Ndërkohë, Gjykata Ndërkombëtare Penale ka lëshuar urdhër-arreste për kryeministrin izraelit Benjamin Netanyahu dhe ish-ministrin e Mbrojtjes Yoav Gallant për krime lufte dhe krime kundër njerëzimit në Gaza.
Izraeli gjithashtu përballet me një padi për gjenocid në Gjykatën Ndërkombëtare të Drejtësisë.
