Në Rusi po mbahen zgjedhje për dhomën e ulët të parlamentit, të cilat do të zgjasin tri ditë, raporton Anadolu Agency (AA).
Qendrat e votimit u hapën të premten në mëngjes në rajonet e Lindjes së Largët Kamchatka dhe Chukotka, të cilat janë nëntë orë përpara Moskës.
Të 450 vendet në Dumën e Shtetit zgjidhen në zgjedhjet të cilat do të mbahen deri më 19 shtator. Zyrtarët zgjedhorë thanë se një ndryshim ishte i nevojshëm duke pasur parasysh pandeminë COVID-19, e cila goditi rëndë Rusinë.
Megjithatë, aktivistët e opozitës dhe disa ligjvënës liberalë thanë se masa ishte pjesë e përpjekjeve të Kremlinit për të manipuluar pjesëmarrjen dhe për të lejuar fitoren e mundshme të shumicës së partisë në pushtet Rusia e Bashkuar.
Autoritetet gjithashtu u përpoqën të bllokonin surprizën më të madhe të mundshme të zgjedhjeve, nismën e Votimit të Mençur, e mbështetur nga aktivisti i burgosur Alexei Navalny.
Presidenti rus Vladimir Putin u bëri thirrje rusëve të votojnë, duke thënë në një video-mesazh të enjten se “zgjedhja e përbërjes së re të Dumës është padyshim ngjarja më e rëndësishme në jetën e shoqërisë dhe vendit rus”.
Sondazhet parazgjedhore nga Qendra e pavarur Levada tregojnë se shumica e rusëve nuk janë të kënaqur me funksionimin e Dumës.
Rusia e Bashkuar ka shumicën në parlament, por popullariteti i saj është më i ulëti në dy dekadat e fundit. /aa
