Presidenti ukrainas, Volodymyr Zelenskyy, ka mbërritur në kryeqytetin francez Paris për një samit të “koalicionit të vullnetarëve” që synon të finalizojë punën për mbështetjen afatshkurte për ushtrinë e Kievit, transmeton Anadolu.
Zëdhënësi i presidentit ukrainas, Serhiy Nykyforov, për mediat ukrainase konfirmoi se Zelenskyy ka mbërritur në Francë dhe se ai do të zhvillojë bisedime me homologun e tij francez, Emmanuel Macron.
Pallati Elysee njoftoi se Macron do të organizojë një darkë pune me Zelenskyyn.
Vizita e presidentit ukrainas në Francë vjen pasi Parisi organizon një samit të “koalicionit të vullnetarëve”, për të cilin Macron tha se do të “finalizojë punën tonë për mbështetjen afatshkurte për ushtrinë ukrainase”.
Kjo nismë, e udhëhequr nga Londra dhe Parisi, u njoftua nga kryeministri britanik, Keir Starmer, në fillim të këtij muaji, për të cilën ai tha se synon “të mbrojë një marrëveshje në Ukrainë dhe të garantojë paqen”.
