Presidenti ukrainas Volodymyr Zelensky tha të hënën se Rusia kishte pësuar humbje të mëdha në pesë muaj luftime me forcat ukrainase në rajonin Kursk të Rusisë jugore, me afro 15,000 të vrarë.
“Gjatë operacionit në Kursk, armiku ka humbur tashmë 38,000 ushtarë të tyre vetëm në këtë drejtim, me afro 15,000 nga këto humbje që janë të pakthyeshme”, tha Zelensky në fjalimin e tij video të natës.
Ukraina nisi një inkursion masiv në rajonin e Kurskut në gusht dhe ka pushtuar pjesë të territorit, megjithëse ushtria ruse ka thënë se ka rimarrë pjesën më të madhe të saj.
Ukraina tha se nisi një ofensivë të re në rajon të dielën, por ka dhënë pak detaje.
Vlerësimet ukrainase dhe perëndimore thonë se rreth 11,000 trupa të Koresë së Veriut po luftojnë përkrah forcave ruse në rajon. Rusia as e ka konfirmuar e as mohuar praninë e tyre. /abcnews
