Presidenti kinez, Xi Jinping ka mbërritur në Vietnam për bisedime, në turneun që po e zhvillon në Azinë Juglindore pasi vendi i tij dhe rajoni janë në qendër të vëmendjes së tarifave nga presidenti amerikan, Donald Trump.
Udhëtimi i tij, përveç Vietnamit, do të zhvillohet edhe në Malajzi dhe Kamboxhia – partnerë kryesorë ekonomikë të Kinës, raportoi BBC-ja.
Të tre vendet, të cilat mbështeten shumë te Kina për tregti, po përballen me taksa nga 24% deri në 49% mbi importet në SHBA, përpara se të shpallej pauza 90-ditore javën e kaluar.
“Me Kinën duke u goditur nga tarifat gjigante 145%, Xi po kërkon të forcojë lidhjet me Azinë Juglindore, me të cilën Pekini ka “lidhje të forta për sa i përket tregtisë dhe investimeve të huaja direkte”, ka thënë Lavanya Venkatesëaran, ekonomiste e lartë në bankën OCBC. /koha
