Granit Xhaka mund të jetë futbollisti i rradhës që i bashkohet përfaqësueses së Kosovës.
Lajmi vjen nga mediat britanike të cilat shkruajnë se mesfushori zviceran mund të braktisë përfaqësuesen e Zvicrës e t’i bashkohet Kosovës.
Sipas gazetave në Britaninë e Madhe, futbollistit të Arsenalit pritet t’i bëhet një ftesë zyrtare në ditët e ardhshme.
E përditshmja britanike Evening Standard, e cila citon burime nga federata kosovare e futbollit, shkruan se kjo e fundit ka nisur kontaktet me lojtarin e Arsenalit.
Nëse Granit Xhaka do t’i bashkohej Kosovës, do të ishte futbollisti i 5-të pas Milot Rashicës, Herolind Shalës, Alban Mehës dhe Amir Rrahmanit, këtë të fundit, të gjithë të larguar nga përfaqësuesja e Shqiperisë.
