Çmimet “The Best” të FIFA-s janë caktuar me votat e tifozëve, të përzgjedhësve e kapitenëve nga mbarë bota dhe nga gazetarët.
Kapiteni i Zvicrës, Granit Xhaka, pikët maksimale (5) ia ka dhënë bashkëlojtarit të tij te Bayer Leverkuseni, Florian Wirtz. Xhaka me tri pikë e vlerësoi ikonën gjermane, Toni Kroos, ndërsa një pikë ia dha Viniciusit, që në fund u shpall më i miri.
Gjermani Wirtz mori pikët maksimale edhe nga selektori i Zvicrës, Murat Yakin.Federico Valverde u vlerësua nga Yakini me tri pikë, ndërsa Lamine Yamal me një.
Kapiteni i Maqedonisë së Veriut, Enis Bardhi, me pesë pikë e vlerësoi Rodrin, me tri Viniciusin e me një Erling Haalandin.
Ceremonia e FIFA-s, “The Best”, u mbajt të martën mbrëma.
