Ushtria izraelite kreu sulm ndaj tendave ku qëndronin gazetarët pranë spitalit “Naser” në jug të Rripit të Gazës, raporton Anadolu.
Si pasojë e sulmit të kryer ndaj qytetit Khan Younis humbi jetën gazetari Helmi al-Faqawi, ndërsa u plagosën shumë gazetarë të tjerë.
Gazetarët e plagosur si pasojë e sulmit u transferuan në spitalin “Naser”. Ndërkohë është regjistruar dëmi në tendën e cila ishte objektiv i sulmit. Në pamje shihen momentet pas sulmit dhe dëmi i shënuar.
Në një deklaratë më parë nga Zyra për media në Gaza thuhej se është rritur në 208 numri i gazetarëve palestinezë që janë vrarë në Rripin e Gazës që nga 7 tetori 2023.
Në sulmet brutale izraelite në Gaza që nga tetori i vitit 2023, janë vrarë rreth 50.700 palestinezë, kryesisht gra dhe fëmijë ndërsa mbi 115 mijë të tjerë janë plagosur.
Nëntorin e kaluar, Gjykata Ndërkombëtare Penale (GJNP) lëshoi urdhër-arresti për kryeministrin izraelit Benjamin Netanyahu dhe ish-ministrin e tij të mbrojtjes Yoav Gallant për krime lufte dhe krime kundër njerëzimit në Gaza.
Izraeli gjithashtu përballet me akuzën për gjenocid në Gjykatën Ndërkombëtare të Drejtësisë (GJND).
