Të paktën 9 persona u vranë dhe 3 të tjerë u plagosën në sulmet ajrore të ushtrisë izraelite në dy rajone në jug të Libanit mbrëmë, pavarësisht armëpushimit të arritur më 27 nëntor, transmeton Anadolu.
Ministria libaneze e Shëndetësisë bëri një deklaratë në lidhje me numrin e parë të sulmeve të ushtrisë izraelite në rajonet Haris dhe Taluse në jug të Libanit.
Sipas deklaratës, nga sulmi në rajonin Haris të Bint Jubeil, humbën jetën 5 persona dhe 2 të tjerë u plagosën.
Në sulmin në rajonin Taluse të Merjayun, 4 persona humbën jetën dhe një tjetër u plagos.
– Hezbollahu lëshoi raketë paralajmëruese për shkak të shkeljes së armëpushimit nga Izraeli
Si rezultat i sulmeve të ushtrisë izraelite në jug të Libanit në ditën e gjashtë të armëpushimit, 2 persona, përfshirë një zyrtar qeveritar humbën jetën, shumë të tjerë u plagosën dhe një ushtar libanez u plagos në sulmin në Hirmil në verilindje të vendit.
Duke theksuar shkeljet e armëpushimit nga Izraeli, Hezbollahu hodhi një raketë “paralajmëruese” në rajonin Ruveysat al-Alem të Kefr Shuba Hills, i cili është nën pushtimin izraelit ndërsa u njoftua se raketa ra në zonë të zbrazët.
Kryeministri izraelit, Benjamin Netanyahu njoftoi se do t’i japin një “përgjigje të ashpër” sulmit me raketa të kryer nga Hezbollahu për herë të parë që nga arritja e armëpushimit në Liban dhe më pas ushtria izraelite nisi sulmet ajrore në shumë pika në jug të Libanit.
