Kreu i agjencisë së OKB-së për refugjatët palestinezë thotë se “një fëmijë vritet çdo orë” në Gaza nga sulmet izraelite. Që nga fillimi i luftës 14,500 fëmijë janë raportuar të vrarë në Gaza sipas UNICEF.
“Këto nuk janë numra. Këto janë jetë të prera. Vrasja e fëmijëve nuk mund të justifikohet, “tha Philippe Lazzarini në X.
“Ata që mbijetojnë janë të plagosur fizikisht dhe emocionalisht,” shtoi ai.
Lazzarini paralajmëroi se ora po ecte për këta fëmijë: “Ata po humbasin jetën, të ardhmen dhe kryesisht shpresën e tyre”.
