Tmerri që e përjetuan u sillet gjithnjë nëpër mend edhe 18 vjet pas luftës.
Dhunimi që iu bë në sytë e fëmijëve të vegjël i la plagë të rënda për të cilat thotë se nuk po mund t’i rikuperojë në asnjë formë.
Brenga më e madhe e kësaj gruaje është se autorët s’dolën para drejtësisë.
Por kjo e të tjerat që patën të njëjtin fat tash e sa vite pos dhimbjes që kanë, përballen edhe me skamje.
Po të mos ishin shoqatat që merren me to, ajo thotë se s’do kishin të holla as për ilaçe që i kanë të domosdoshme.
E kur e dinë se çfarë kanë hequr, e sa gëzojnë sot kujdes nga shteti ato përpallen me ndjesinë e të qenit të lëna pas dore.
Procesi për verifikimin, e më pas ndarjen e pensioneve për personat e dhunuar në luftën e fundit në Kosovë ka ngecur, njofton Klan Kosova
Shoqatat që përfaqësojnë gratë që u dhunuan, po kërkojnë që ky proces të përmbyllet sa më shpejt.
