Një tjetër foshnje ka humbur jetën për shkak të fruthit në QSUT.
Një bebe 4 muajshe, vajzë, e cila ka mbërritur nga Peshkopia me bronkopneumoni ka humbur jetën pak ditë më parë, por njësoj si për rastin e parë, lajmi nuk është bërë publik.
Burimet i thanë Top Channel se përveç ftohjes, foshnja është prekur edhe nga virusi i fruthit, komplikacionet e të cilit kanë ndikuar në përkeqësimin e gjendjes shendetësore të bebes, duke i shkaktuar vdekjen.
Kjo është foshnja e dytë e cila humb jetën nga fruthi, pasi foshnjës 8 muajshe dy javë më parë.
Në këtë moshë bebet nuk mund të vaskinohen, sepse presupozohet se fitojnë imunitetin nga trupi i nënës, e cila duhet të jetë vaksinuar ndaj fruthit. Deri tani numri i të prekurve nga virusi i fruthit ka mbërritur në 87.
Mjekët u bëjnë thirje prindërve që të mos paraqiten në QSUT, nëse nuk ka raste urgjente, pasi tani fëmijët të pavaksinuar dhe që shkojnë për tjetër probem në shërbimin e pediatrisë infektohen me virusin e Fruthit.
Ndërsa nënat me bebe duhet të bëjnë kujdes kur fëmija bën temperaturë të lartë mbi 38.5 ta dërgojnë menjëherë te mjeku pediatër në qendrën e tyre shëndetësore, pasi janë vetëm ata që përcaktojnë nëse ështe temperaturë e shkatuar nga fruthi apo nga virozat e stinës.
Top Channel
