Videot e postuara në mediat sociale dhe të verifikuara nga njësia e verifikimit të fakteve të Al Jazeera tregojnë linja palestinezësh, të zhveshur deri në të brendshme, që marshojnë me duart e tyre të ngritura lart në shenjë dorëzimi. Këto pamje vijnë disa orë pasi ushtria izraelite lëshoi një urdhër për evakuimin e detyruar të spitalit Kamal Adwan.
Drejtori i Ministrisë së Shëndetësisë së Gazës konfirmoi për Al Jazeera se më shumë se 300 njerëz u detyruan të largoheshin nga objekti mjekësor.
Një postim në X nga një gazetar izraelit për kanalin e krahut të djathtë Channel 14, i cili shoqëronte pamjet, sugjeronte se stafi dhe pacientët po detyroheshin të lëviznin drejt jugut dhe pretendonte pa dhënë asnjë provë se Spitali Kamal Adwan ishte shndërruar në një “selinë e terrorizmit”. duke u përdorur nga Hamasi dhe grupe të tjera.
Izraeli ka rrethuar spitalin për të paktën një javë, duke vrarë njerëz në sulmet përreth dhe brenda spitalit.
