Arturo Vidal mund t’i bashkohet skuadrës së Interit gjatë kësaj vere.
Sipas mediave në Kili, ylli i Bayern Munichut, Arturo Vidal ka pranuar ofertën e skuadrës së Interit.
Thuhet se Nerazzurrët i kanë ofruar yllit të Bayern Munichut një pagë prej 8 milionë eurosh në sezon.
Por, tani i mbetet Interit që të arrijë marrëveshje me Bayern Munichun. Por, vështirë se Nerazzurrët do ta bindin klubin gjerman për shitjen e kilianit.
Këtë vërteton edhe trajneri i kampionit të Gjermanisë, Carlo Ancelotti.
“E di se ka thashetheme dhe jemi mësuar me to. Ai do të qëndrojë me ne 100% – Jam i bindur për këtë”, ka deklaruar Carlo Ancelotti.
