Lëvizja Vetëvendosje pritet që nesër të organizojë një tjetër tubim në sheshin e Prishtinës me 3500 deri në 5000 persona.
Ndonëse, Vetëvendosja thotë se s’është protestë, duket se këto janë prova për t’u përgatitur për protesta.
“Në vazhdimësi gjatë kësaj kohe kemi pasur kërkesa e interesim të shumtë të qytetarëve për të protestuar në lidhje me zhvillimet në vend. Pas realizimit të suksesshëm të provës së parë nga qytetarë e aktivistë ne kemi menduar të realizojmë testin e dytë por në përmasa më të mëdha. Pra, kjo sigurisht se nuk është një protestë, por një performancë me 3500 deri në 5000 persona”, thuhet në përgjigjen zyrtare të Vetëvendosjes për KOHËN.
Së fundmi, në shesh u organizua një provë e tillë me 1,500 persona.
