Veshjet që mbulojnë pjesët më të mëdha të trupit janë një trend në rritje në mbarë botën, e jo vetëm në vendet e Lindjes.
Moda për veshjet islame është një prej industrive gjithnjë në rritje, ku klientë nuk janë vetëm burra e gra muslimane, por edhe klientë nga vende dhe besime të tjera.
Deri në vitin 2022, shpenzimet e muslimanëve në veshjet konservatore në nivel global pritet të arrijnë 373 miliardë dollarë dhe Emiratet e Bashkuara Arabe po përpiqen të bëhen qendër rajonale e modës islame.
Koncepti i modestisë shkon përtej veshjes jo transparente dhe jo formësuese. Ajo ka të bëjë me luksin që u ofrohet mantelëve të pelhurave kualitetive. Dekoret shkojnë deri në pikën kulmore të luksit, ku një pjesë e veshjes është e dekoruar me arë dhe gurë të cmuar.
Për disa, moda modeste është një mënyrë jetese, ndërsa për të tjerët është e rrënjosur në fe. Shumë dizajnerë po i drejtojnë influencuesit e mediave sociale për të ‘veshur dhe ndarë’ rrobat e tyre në rrjete sociale.
“Ka shumë presion … Ju duhet të jeni aktual dhe të mbani postime për çdo ditë. Njerëzit duan më shumë, ky brez mijëvjeçar kërkon më shumë dhe gjithçka është kaq e paqëndrueshme. Një ditë diçka është në trend, të nesërmen nuk është. “Shpjegon Mariah Idrissim, modele e hixhabit.
Sipas stilistëve të Lindjes së Mesme, pasuesit e modës do të veshin jalabiyas të qëndisur dhe shtresa të ngjyrave pastel këtë sezon.
Shtëpitë e modës evropiane janë gjithashtu të prirur për të kapur në industrinë e veshjeve muslimane, e cila llogaritet të përbëjë rreth 11% të shpenzimeve të tregut global. Një nga të parët që bëri këtë ishte Dolce dhe Gabbana në vitin 2016, kur ata nisën një varg të hixhabeve të bukura dhe tejet me stil. /MESAZHI/
