Kryetari i Kuvendit të Kosovës sot ka marrë fotografinë zyrtare nga takimi që ka pasur javë më parë me Donald Trumpin në Washington.
Pas marrjes së kësaj fotografie, Veseli e publikoi atë menjëherë në Facebook për të treguar se Trumpi i ka dhënë mbështetje Kosovës.
“Të dashur miq, sapo pranova fotografinë zyrtare nga takimi që pata ditë më parë, në Washington, me Presidentin e Shteteve të Bashkuara të Amerikës, Donald Trump. Kosova është e bekuar që ka mbështetjen amerikane dhe ky takim konfirmoi besimin tim dhe tuajin për aleancën e përjetshme në mes të Amerikës dhe Republikës sonë”, ka shkruar Veseli në Facebook.
