Një 67 vjeçar ka humbur jetën pasi një copë xhami ka rënë mbi të për shkak të erës së fortë, që në disa zona ka arritur deri në 102 km/h sipas Meteoalb-it.
Ngjarja e rëndë ka ndodhur në lagjen “28 nëntori” të qytetit të Vlorës në Shqipëri.
Copa e xhamit ka rënë nga një pallat si pasojë e fuqisë së erës dhe fatkeqësisht 67 vjeçari ishte duke kaluar në rrugën poshtë saj.
Ai ndërroi jetë në spital si pasojë e plagëve të marra.
Policia ka mbërritur në vendngjarje për zbardhjen e plotë të rastit.
