Valencia e ka zgjedhur Carlos Corberanin si trajner të ri.
Corberan ka firmosur për dy vjet e gjysmë me Valencian, njoftoi klubi i La Ligas. Ai është larguar nga West Bromwich Albioni së fundi.
Spanjolli i kaloi tri vjet te Leeds Unitedi, si trajner i ekipit U23 dhe si anëtar i shtabit teknik të Marcelo Bielsas, para se të bëhej trajner i Huddersfield Town në vitin 2020. 41-vjeçari ka drejtuar edhe Olympiacosin e West Bromin më pas, ndërsa si lojtar i ri ishte te Valencia.
Corberan e zëvendëson Ruben Barajan e shkarkuar të hënën. Valencia është vetëm e parafundit në La Liga me 12 pikë, sa i ka edhe Valladolidi në vendin e fundit.
