Një grua dhe një fëmijë palestinez u vranë nga sulmet ushtrisë izraelite në qytetin Tulkarm të Bregut Perëndimor të hënën, tha Ministria e Shëndetësisë.
Një deklaratë e ministrisë shtoi se katër persona të tjerë u plagosën, pa dhënë detaje të mëtejshme.
Forcat izraelite bastisën kampin e refugjatëve Nur Shams në Tulkarm mes përleshjeve me palestinezë të armatosur, sipas dëshmitarëve.
“Forcat izraelite bombarduan një shtëpi pranë shtëpisë sime”, tha për Anadolu Kamal Ahmed Jaber, një banor.
“Dëgjuam të shtëna armësh. Shtëpia pranë nesh shpërtheu dhe shtëpitë aty pranë u dëmtuan”, shtoi ai.
Ushtria izraelite ka kryer rregullisht bastisje në Bregun Perëndimor gjatë viteve të fundit, të cilat u përshkallëzuan me fillimin e luftës në Gaza tetorin e kaluar. Palestinezët janë përballur gjithashtu me sulme të dhunshme nga kolonët e paligjshëm.
Të paktën 554 palestinezë janë vrarë që atëherë, duke përfshirë 133 fëmijë dhe gati 5.300 të plagosur nga zjarri i ushtrisë izraelite në Bregun Perëndimor, sipas Ministrisë së Shëndetësisë.
Izraeli akuzohet për gjenocid në Gjykatën Ndërkombëtare të Drejtësisë, vendimi i fundit i së cilës urdhëroi Tel Avivin të ndalonte menjëherë operacionin e tij ushtarak në Rafah në Rripin jugor të Gazës, ku mbi një milion palestinezë kishin kërkuar strehim nga lufta përpara se të pushtohej më 6 maj.
WEST BANK: The Palestinian Health Ministry says a woman and a child were killed, and 4 others injured, after they were shot by Israeli forces.
It happened during an Israeli army raid in the Nur Shams Refugee Camp in Tulkarem. pic.twitter.com/wNsfdZdJTY
— Hamdah Salhut (@hamdahsalhut) July 1, 2024
