Ushtria izraelite të mërkurën në mëngjes vrau katër palestinezë të tjerë në sulmet që synuan një shtëpi dhe dy tenda për personat e zhvendosur në Gaza, ndërsa fushata gjenocidiale vazhdon.
Një burim mjekësor tha për Anadolu se dy palestinezë, përfshirë një grua, u vranë në sulmet izraelite në dy tenda në qytetin perëndimor Khan Younis, në jug të Gazës.
Burimi shtoi se dy palestinezë të tjerë, përfshirë një fëmijë, u vranë në një sulm ajror izraelit në një shtëpi në kampin e refugjatëve Nuseirat në Rripin qendror të Gazës.
Një palestinez i plagosur vdiq nga plagët që kishte marrë nga një sulm i mëparshëm izraelit, tha gjithashtu burimi mjekësor.
Ndërkohë, sipas dëshmitarëve ushtria izraelite vazhdoi politikën e saj sistematike të shpërthimit dhe prishjes së shtëpive të banimit në disa zona në të gjithë qytetin Rafah, sipas dëshmitarëve.
Ushtria izraelite rinisi sulmet vdekjeprurëse në Gaza më 18 mars dhe që atëherë ka vrarë afër 1.400 palestinezë, ka plagosur më shumë se 3.600 të tjerë dhe ka thyer një marrëveshje armëpushimi dhe shkëmbimi të të burgosurve në enklavë që u nënshkrua në janar.
Kryeministri izraelit Benjamin Netanyahu u zotua javën e kaluar se do të përshkallëzojë sulmet në Gaza ndërsa përpjekjet janë duke u zhvilluar për të zbatuar planin e Presidentit të ShBA-së Donald Trump për të zhvendosur palestinezët nga enklava.
Më shumë se 50.800 palestinezë janë vrarë në Gaza gjatë sulmeve brutal izraelit që nga tetori i vitit 2023, shumica prej tyre gra dhe fëmijë.
Gjykata Ndërkombëtare Penale lëshoi fletarreste nëntorin e kaluar për Netanyahun dhe ish-ministrin e Mbrojtjes Yoav Gallant për krime lufte dhe krime kundër njerëzimit në Gaza.
Izraeli gjithashtu përballet me një padi gjenocidi në Gjykatën Ndërkombëtare të Drejtësisë për luftën e tij në enklavë.
