Ushtria izraelite ka ndërmarrë operacione intensive ushtarake për të gjashtën ditë radhazi në qytetin e pushtuar të Tulkaremit dhe në kampin e refugjatëve me të njëjtin emër, raporton agjencia e lajmeve Wafa.
Sipas Wafa-s, forcat izraelite kanë sulmuar kampin e Tulkaremit gjatë orëve të fundit, duke bastisur shtëpi dhe shkatërruar prona, çka ka sjellë “zhvendosjen e detyruar të dhjetëra familjeve”.
Ushtria izraelite ka urdhëruar gjithashtu evakuimin e palestinezëve nga lagjet al-Nadi, al-Shuhada, al-Ghanim, al-Matar dhe Abu Al-Foul në Tulkarem.
Forcat izraelite vazhdojnë të rrethojnë Spitalin Qeveritar të Dëshmorit Thabet Thabet dhe Spitalin e Specializuar Israa, duke penguar punën e ekipeve mjekësore dhe duke i nënshtruar ato kontrolleve dhe ndalimeve.
Sipas raportimeve, bastisjet disa-ditore kanë sjellë shkatërrimin e infrastrukturës dhe objekteve bazë në kampin e Tulkaremit, duke shkaktuar ndërprerje të energjisë elektrike, ujit dhe internetit. Gjithashtu, ka mungesa të theksuara të ushqimeve, furnizimeve mjekësore, ujit të pijshëm dhe qumështit për foshnjat. /mesazhi
