Në rrjetet sociale janë shfaqur pamjet e momenteve kur ushtarët izraelitë dogjën shtëpinë e një familjeje palestineze për argëtim në Rafah, që ndodhet në jug të Rripit të Gazës nën sulm, transmeton Anadolu.
Sipas pamjeve të shpërndara në rrjetet sociale, ushtarët izraelitë i vunë zjarrin shtëpisë së një familjeje palestineze në Rafah, e cila u detyrua të migronte nga rajoni për shkak të sulmeve.
Në video shihet se salloni i shtëpisë është djegur dhe një ushtar izraelit i ka vënë zjarrin dhomës së gjumit.
Në pamje shihet se një ushtar izraelit djeg një sfungjer në dhomën e të gjumit me ndihmën e deodorantit dhe një çakmak.
Nuk është bërë e ditur se kur ka ndodhur ngjarja, e cila ka ngjallur reagime në rrjetet sociale.
Ushtria izraelite e ka kthyer Rripin e Gazës në gërmadha me sulme të vazhdueshme që nga 7 tetori 2023.
Ndërsa sulmet ajrore dhe tokësore të ushtrisë në rajon vazhdojnë, ushtarët izraelitë shpesh u vënë zjarrin shtëpive palestineze.
Ushtarët izraelitë nuk hezitojnë të regjistrojnë momentet kur digjen shtëpitë palestineze dhe t’i ndajnë ato në llogaritë e tyre në rrjetet sociale.
Exclusive footage from today in Rafah |
Israeli soldiers torching to a Palestinian family’s home for fun. pic.twitter.com/2ZYWuyhS2I
— Younis Tirawi | يونس (@ytirawi) July 8, 2024
