Qendër për vaksinim kundër COVID-19 është hapur në xhaminë Ar-Rahma në kryeqytetin e Ukrainës, Kiev, transmeton Anadolu Agency (AA).
Në hapjen, ndër të tjera, morën pjesë zëvendësministri i Shëndetësisë së Ukrainës, Aleksandër Komarida dhe imami i xhamisë, Hasan Akhatov.
Qendra, e cila do të jetë e hapur çdo ditë nga ora 09:00 deri në 16:00 do të mund të vaksinojë personat mbi 18-vjeç.
Akhatov tha për AA se Islami dikton që jeta të mbrohet. “Prandaj, në bashkëpunim me Ministrinë e Shëndetësisë po luftojmë kundër epidemisë duke ndarë maska mbrojtëse, teste dhe doreza”, tha ai.
Në Ukrainë, ku vaksinimi masiv filloi më 24 shkurt, më shumë se 270 mijë persona janë vaksinuar në 24 orët e fundit.
Me një dozë janë vaksinuar 12.914.333 persona ndërsa me dy doza 10.025.360. Në 24 orët e fundit në Ukrainë janë regjistruar 12.729 raste të reja me COVID-19 ndërsa 720 persona kanë vdekur si pasojë e infeksionit. /aa
