U prek nga koronavirusi, kjo është gjendja e Fatih Terim

Trajneri i Galatasaray, Fatih Terim, është personi i fundit nga sporti elitar i konfirmuar me koronavirus.

Gjatë ditës së djeshme, është konfirmuar se Terim ka dalë pozitiv në testet për koronavirus.

Për gjendjen e tij ka folur vajza e trajnerit, raporton ANSA, përcjell lajmi.net.

“Babai im aktualisht është mirë dhe po i nënshtrohet trajtimit në spital”, ka deklaruar vajza e Terim.

“Shpresoj se gjithçka do të jetë mirë. Faleminderit të gjithëve për urimet dhe mesazhet tuaja. Nëse është e mundur, mos dilni nga shtëpia. Izoloni vetën në shtëpi”.

Superliga e Turqisë ka qenë liga që deri vonë kishte refuzuar pezullimin e kampionatit.