Rojet bregdetare turke shpëtuan 38 azilkërkues të cilët u shtynë nga autoritetet bregdetare greke në ujërat turke në brigjet e Egjeut, raporton Anadolu Agency (AA).
Duke vepruar mbi një informatë, një ekip i rojes bregdetare u dërgua në brigjet e Didim-it në provincën Aydın pasi mësoi se azilkërkuesit ishin bllokuar në dy anije shpëtimi, bëri të ditur një burim sigurie.
Azilkërkuesit, të cilët janë të gjithë shtetas të huaj, u dërguan në breg, shtoi ai.
Turqia ka qenë një pikë kyçe tranziti për migrantët e parregullt që dëshirojnë të arrijnë në Evropë për të filluar jetë të re, veçanërisht ata që ikin nga lufta dhe persekutimi.
Në fillim të këtij viti, Turqia hapi portat e saj për migrantët e parregullt për të kaluar në Evropë, duke akuzuar BE-në për dështimin për të mbajtur premtimet e saj sipas marrëveshjes së migrantëve të vitit 2016.
