Anëtari i Byrosë Politike të Hamasit, Musa Abu Merzuk tha se Turqia luan rolin më të rëndësishëm në Jerusalem dhe të ardhmen e tij.
Abu Merzuk e bëri deklaratën si pjesë e Konferencës së Parë Ndërkombëtare Kinë-Palestinë të organizuar nga Forumi i Azisë dhe Lindjes së Mesme në Stamboll.
Duke theksuar se duhet të ketë një emërues të përbashkët mes çështjeve të lirisë në rajon, veçanërisht Palestinës, dhe interesave të Turqisë, Iranit, Pakistanit dhe Kinës, zyrtari i Hamasit theksoi se: “E ardhmja e rajonit është e lidhur me konfliktet mbi Jerusalemin dhe Turqia luan rolin më të rëndësishëm në Jerusalem dhe të ardhmen e tij.”
Pasi vuri në dukje se Kina, si një fuqi në rritje, gjithashtu luajn një rol të rëndësishëm në luftën për liri, veçanërisht në Palestinë dhe është një nga vendet e para që qëndroi në krah të popullit palestinez, Abu Merzuk tha:
“Është e rëndësishme që Kina të ketë politika që lidhen me interesat e saj strategjike në rajon. Prandaj, shpresoj se ajo do të prodhojë politika që mbështesin luftën e popullit palestinez dhe forcat e tij për krijimin e një shteti palestinez.” /trt
