Ministri i Jashtëm i Turqisë, Hakan Fidan, ka konfirmuar raportet se vendi i tij ka zhvilluar bisedime teknike të drejtpërdrejta me Izraelin për të shmangur përplasjet në territorin sirian.
Fidan deklaroi se këto bisedime po zhvillohen “sipas nevojës”, duke theksuar se Turqia nuk synon të përshkallëzojë situatën me Izraelin në lidhje me zhvillimet në Sirinë fqinje.
Konfirmimi vjen vetëm pak ditë pas një vale të re sulmesh të ushtrisë izraelite në Siri, përfshirë goditjen e bazës ajrore T4 pranë Palmirës – një zonë ku Turqia ka interes për të vendosur sisteme mbrojtëse dhe avionë.
Zyrtarët turq nuk kanë dhënë më shumë detaje mbi natyrën e këtyre bisedimeve, por konfirmimi i dialogut tregon për një përpjekje diplomatike për të shmangur një përplasje të drejtpërdrejtë në një zonë me tensione të larta gjeopolitike. /mesazhi
