Presidenti Turk Rexhep Tajip Erdogan ka premtuar të jap një donacion prej 30.000 vaksinash për Bosnje Hercegovinën.
Donacioni është pjesë e një marrëveshjeje të arritur nga anëtarët e Presidencës së Bosnje Hercegovinës me presidentin turk sot gjatë një takimi në Ankara.
Lajmi u bë i njohur gjatë një konference pas takimit. Milorad Dodik presidenti serb i BeH falënderoi presidentin turk Erdogan dhe tha se Turqia ndihmoi të gjithë gjatë vërshimeve të 2014, dhe se Bosnje Hercegovina është mirënjohëse për këtë.
Përveç kësaj çështje, temë bisedimesh ishin edhe autostrada Sarajevë – Beograd, gazsjellësi që bart gazin rus si dhe marrëveshje tjera tregtare e infrastrukturore që arrijnë shumën 1 miliard euro./Mesazhi.com
