Turqia i ka dhuruar Somalisë 12 automjete të blinduara ushtarake në kuadër të luftës së këtij vendi kundër organizatës terroriste Al-Shabaab, transmeton Anadolu Agency (AA).
Automjetet iu dorëzuan zyrtarëve në kryeqytetin Mogadishu nëpërmjet një ceremonie.
Në ceremoni kanë marrë pjesë ambasadori i Turqisë në Mogadishu, Mehmet Yılmaz, ministri i Mbrojtjes së Somalisë, Hassan Ali Muhammed, shefi i Shtabit të Përgjithshëm të Somalisë, Odawa Yusuf Rageh dhe shumë persona të tjerë.
Ambasadori Yılmaz, në deklaratën e tij në ceremoni, tha se Turqia do të vazhdojë mbështetjen e saj në çdo fushë ndaj Somalisë.
Ndërsa ministri somalez i Mbrojtjes tha se automjetet do të ndihmojnë në operacionet kundër Al-Shabaab.
Rageh nga ana e tij falënderoi Turqinë për ndihmat.
