Në qarkun Ayvacik, të provincës turke Çanakkala janë kapur 39 migrantë të cilët kanë tentuar të kalojnë në ishullin grek Lesbos, raporton Anadolu Agency (AA).
Ekipet e Rojes bregdetare gjatë patrullimit në afërsi të Babakale kanë vërejtur grupin e migrantëve në det të hapur me një gomone.
Në operacionin e kryer dy milje larg bregut janë kapur 39 migrantë në mesin e të cilëve 18 fëmijë.
Migrantët me origjinë nga Afganistani, Iraku dhe Siria janë dërguar në territorin e Turqisë, ku u është ofruar ndihmë në ushqim dhe veshmbathje ndërsa më pas i janë dorëzuar Qendrës për kthimin e të huajve në Ayvacik.
