Turqi, arrestohen dhjetëra të dyshuar lidhur me FETO-n

Burimet e sigurisë kanë bërë të ditur se janë lëshuar urdhër arreste për 57 të dyshuar në të gjithë Turqinë për lidhje të dyshuara me organizatën terroriste FETO, raporton Anadolu Agency (AA).

Në provincën juglindore turke Gaziantep, u lëshuan urdhra për anëtarët e dyshuar të FETO-s që përdorën 102 numra telefoni celularë të blerë në emër të studentëve apo të shtetasve të huaj që qëndruan në konviktet e grupit terrorist. Por në të vërtetë, këta numra u përdorën nga operativët e lartë të grupit terrorist.

Nga dhjetori i vitit 2015 deri në përpjekjen për grusht shtet më 15 korrik 2016, u përdorën 64 prej këtyre numrave. Pas përpjekjes për grusht shtet, u përdorën 38 të tjerë, tha zyra e prokurorisë provinciale në një deklaratë.

Gjithashtu u zbulua se nga këto numra janë zhvilluar intervistat ndër-organizative. Këta numra gjithashtu përdorën aplikacionin e koduar të mesazheve ByLock të grupit terrorist, si dhe programin e komunikimit Kakao Talk.

Ekipet anti-terror filluan një operacion në 22 qytete në të gjithë vendin për të kapur të dyshuarit, duke përfshirë mësues, mjekë, ushtarë, avokatë dhe oficerë policie. Deri më tani, 50 prej tyre janë arrestuar.

Disa nga të dyshuarit ishin të përfshirë në strukturën sekrete ushtarake, të sigurisë dhe arsimit të organizatës.

Kërkimi është duke vazhduar për 7 të dyshuarit e mbetur, theksoi burimi.

FETO dhe udhëheqësi i saj me banim në SHBA, Fethullah Gülen orkestruan grusht shtetin e mposhtur më 15 korrik të vitit 2016, i cili la 251 persona të martirizuar dhe 2.734 të plagosur.

FETO qëndron pas një fushate të gjatë për të përmbysur shtetin përmes infiltrimit në institucionet turke, veçanërisht në ushtri, polici dhe gjyqësor.