Turkish Airlines ndërpret të gjitha fluturimet me Italinë

Kompania ajrore Turkish Airlines (THY) njoftoi se ka anuluar të gjitha fluturimet e saj drejt Italisë duke filluar nga 1 marsi, transmeton Anadolu Agency (AA).

Në një deklaratë nga zyra për media e THY, thuhet se për shkak të rritjes së rasteve të koronavirusit të ri (Covid-19) janë anuluar në mënyrë të ndërsjellë të gjitha fluturimet me Italinë duke filluar nga data 1 mars.

Udhëtarët do të kenë mundësi të marrin informacione të detajuara në lidhje me fluturimet e tyre përmes faqes “www.turkishairlines.com”, qendrave të thirrjeve ose nëpërmjet zyrave të autorizuara të shitjeve, thuhet në njoftim.