Presidenti i SHBA-së, Donald Trump, ka deklaruar se negociatat për t’i dhënë fund luftës së Rusisë kundër Ukrainës janë “shumë në rrugën e duhur” pasi ai përfundoi një telefonatë me homologun e tij ukrainas, Volodymyr Zelenskyy, transmeton Anadolu.
Trump tha se biseda telefonike me presidentin ukrainas ishte “shumë e mirë” dhe zgjati për rreth një orë.
“Pjesa më e madhe e diskutimit u bazua në thirrjen telefonike të bërë dje me presidentin Putin, në mënyrë që të rreshtohen si Rusia ashtu edhe Ukraina për sa i përket kërkesave dhe nevojave të tyre”, tha Trump në rrjetet sociale.
