Presidenti i zgjedhur Trump emëroi Morgan Ortagus si Zëvendëse të Dërguar të Posaçëm Presidencial për Paqen në Lindjen e Mesme. Ortagus, e njohur për mbështetjen e saj ndaj Izraelit, do të punojë nën drejtimin e Steven Witkoff, i cili konsiderohet admirues i kryeministrit izraelit, Benjamin Netanyahu.
Ortagus ka shërbyer si zëdhënëse e Departamentit të Shtetit (2019-2021) dhe ka qenë pjesë e ekipit të Marrëveshjeve Abrahamike, që ndihmoi në normalizimin e marrëdhënieve midis Izraelit dhe vendeve si Bahreini dhe Emiratet e Bashkuara Arabe. Duke pranuar këtë rol, ajo e quajti një “nder” të përfaqësonte SHBA-në në këtë pozicion diplomatik të rëndësishëm. /mesazhi
