Presidenti amerikan ka paralajmëruar rebelët Huthi në Jemen që të ndalojnë sulmet ndaj anijeve tregtare, përndryshe ata dhe mbështetësit e tyre iranianë do të përballen me “dhembje të vërtetë” nga sulmet e reja ajrore të SHBA-së. Ai shtoi se sulmet amerikane kanë vrarë shumë nga liderët e grupit.
“Ne i godasim ata çdo ditë dhe natë – gjithnjë e më fort. Kapacitetet e tyre që kërcënojnë transportin detar dhe rajonin po shkatërrohen me shpejtësi. Sulmet tona do të vazhdojnë derisa ata të mos jenë më një kërcënim për Lirinë e Lëvizjes,” shkroi Trump në një postim në rrjetet sociale.
“Ndaloni së qëlluari anijet amerikane dhe ne do të ndalojmë së godituri ju. Përndryshe, sapo kemi filluar, dhe dhimbja e vërtetë ende nuk ka ardhur, si për Huthit ashtu edhe për sponsorët e tyre në Iran.”
Ushtria amerikane ka qenë duke shënjestruar Huthit në përgjigje të sulmeve të tyre ndaj Izraelit dhe anijeve në Detin e Kuq. Ndërkohë, Huthit pretendojnë se sulmet e tyre janë në mbështetje të palestinezëve në Gaza.
