Kryeministri Justin Trudeau theksoi sot se ambasada e Kanadasë në Izrael do të qëndrojë në Tel Aviv, duke treguar kështu mospajtimin me presidentin amerikan, Donald Trump i cili njoftoi një ditë më parë transferimin në Jeruzalem të ambasadës së tij.
“Ne nuk do të zhvendosim ambasadën tonë nga Tel Avivi”, deklaroi Justin Trudeau para medias kanadez.
Shefi i qeverisë ritheksoi pozicionin e pandryshueshëm të Kanadasë, pavarësisht pranisë së konservatorëve apo liberalëve në pushtet, që të inkurajojë krijimin e një shteti palestinez në krahë të një shteti izraelit.
Për qeverinë liberale kanadeze, statusi i qytetit të Jeruzlemit duhet të përcaktohet nga një marrëveshje paqeje mes palëve.
