Shqipëria ka bërë një lojë fantastike në triumfin prej 3-0 kundër Izraelit në ndeshjen e zhvilluar Sammy Ofer Stadium në Haifa.
Ishte një gjysmë e parë mbresëlënëse e Kuqezinjve, në të cilën ata i shënuan dy gola.
Armando Sadiku ishte protagonisti i dyfishtë në këtë pjesë lojë, pasi e gjeti dy herë rrjetën (22’ dhe 44’).
Skuadra mysafire realizoi edhe një gol në pjesën e dytë me anë të Ledian Memushajt (71’).
Kjo është fitorja e tretë e Shqipërisë në Grupin G, ndërsa ka edhe po aq humbje – do të thotë numëron nëntë pikë.
Pas xhiros së gjashtë, Kombëtarja jonë pozicionohet në vend të tretë në tabelë me pikë të barabarta me Izraelin që është një vend më poshtë.
Dy vendet e para në këtë grup mbahen nga Spanja dhe Italia që numërojnë nga 16 pikë.
