TikTok-u po rikthen shërbimet për përdoruesit në Shtetet e Bashkuara të Amerikës (ShBA).
Kjo pasoi deklaratën e Presidentit të zgjedhur Donald Trump se ai do të lëshonte një urdhër për zgjatjen e periudhës së aplikimit pas inaugurimit të tij të hënën.
TikTok më herët të dielën informoi përdoruesit në ShBA se ata nuk mund të përdorin aplikacionin e ndarjes së videove pas ndalimit.
Trump më pas bëri thirrje që TikTok të mbetet i disponueshëm në mënyrë që ai të transmetojë inaugurimin e tij të hënën përmes rrjetit.
Ai tha se planifikon të lëshojë një urdhër ekzekutiv të hënën që do t’i japë kompanisë mëmë kineze më shumë kohë për të gjetur një blerës përpara se të ndalohet përgjithmonë nga ShBA-ja.
“Në koordinim me ofruesit tanë të shërbimeve, TikTok është në proces të rivendosjes së shërbimit”, njoftoi TikTok pasi Trump premtoi të lëshonte urdhrin.
“Falënderojmë Presidentin Trump për dhënien e qartësisë dhe garancisë së nevojshme për ofruesit tanë të shërbimeve se ata nuk do të përballen me ndëshkime nëse mundësojnë TikTok për më shumë se 170 milionë amerikanë si dhe mbi shtatë milionë biznese të vogla”, shtoi ai.
TikTok e quajti vendimin e Trump “një qëndrim të fortë për Amendamentin e Parë dhe kundër censurës arbitrare”.
Kompania premtoi të punojë me presidentin e ri për një “zgjidhje afatgjatë që do ta mbajë TikTok në ShBA”.
Gjykata e Lartë e ShBA-së të premten mbështeti një ligj që ndalon TikTok-un nëse kompania e saj mëmë me bazë në Kinë, ByteDance, “ndahet nga aplikacioni”.
Gjykata vendosi që ultimatumi i shitjes ose ndalimit nuk shkel të drejtat e kompanisë në Amendamentin e Parë sipas Kushtetutës së ShBA.
Shtëpia e Bardhë tha se aplikacioni kinez e rrjeteve sociale duhet të mbetet i disponueshëm në ShBA, por nën pronësinë amerikane për të adresuar shqetësimet e sigurisë kombëtare.
Trump, i cili ka treguar simpati për TikTok, do të kthehet sot në Shtëpinë e Bardhë për të filluar mandatin e tij të dytë, një ditë pas skadimit të afatit për mbylljen e TikTok.
Shefi ekzekutiv i TikTok, Shou Zi Chew pritet të marrë pjesë në inaugurimin e Trump.
Ligji, i miratuar nga Kongresi dhe i nënshkruar nga presidenti në largim Joe Biden në prill, i dha ByteDance 270 ditë për të braktisur aplikacionin ose do të përballet me një ndalim.
