Thaçi dekreton Ligjin për Buxhetin, ku përfshihen 170 eurot për qytetarët

Presidenti i Kosovës, Hashim Thaçi njofton se ka dekretuar Ligjin për Buxhetin që i është derguar gjatë ditës së djeshme.

Ai ka thënë se me dekretimin e këtij ligji shpejtohet ekzekutimi i pagesave për qytetarëve, në mënyrë që të lehtësohen pasojat e pandemisë.

Postimi i plotë:

Sapo dekretova Ligjin për Buxhetin dhe plotësim/ndryshimet e tij, të cilin e kam pranuar dje pasdite. E bëra dekretimin e menjëhershëm që sa më parë të ekzekutohen pagesat për qytetarët tanë dhe të zbuten pasojat e pandemisë. Jam i vetëdijshëm për shqetësimet e ngritura nga përfaqësues të sektorëve të ndryshëm, por hyrja në fuqi e këtij ligji është domosdoshmëri urgjente për t’iu përgjigjur nevojave të qytetarëve. Ekzekutivi i vendit jam i bindur se do të gjejë hapësirë dhe mundësi për t’i trajtuar të gjitha shqetësimet e ngritura nga përfaqësuesit sektorialë. Por, prioritet dhe qëllim i përbashkët i të gjithë neve është lehtësimi i pasojave të pandemisë dhe menaxhimi sa më i mirë i kësaj situate. HTH