Të paktën tetë persona janë zhdukur pasi një rrëshqitje dheu goditi një fshat në Hunan të Kinës qendrore sot, tha media shtetërore, transmeton Anadolu.
Rrëshqitja e dheut goditi katër shtëpi në fshatin Douxi në qarkun autonom Xinhuang Dong të Huaihuas sot herët, njoftoi Agjencia e Lajmeve Xinhua.
Deri më tani tetë persona rezultojnë të zhdukur, ndërsa të tjerët janë evakuuar nga ekipet e shpëtimit. Kërkimi për personat e zhdukur në zonë vazhdon, tha agjencia.
Ndërkohë, disa pjesë të vendit të goditura nga shirat e dendur dhe përmbytjet javën e kaluar morën një tjetër alarm zyrtar të verdhë sot për stuhi shiu, përfshirë Hunanin.
Të shtunën, autoritetet kineze thanë se gjetën gjashtë persona të vdekur pasi u zhdukën një javë më parë gjatë rrëshqitjeve të dheut të shkaktuara nga shirat masive në provincën juglindore Fujian.
Shirat e dendur kanë goditur Kinën jugore që nga fillimi i hershëm i sezonit vjetor të përmbytjeve.
Rreth 47 persona kanë humbur jetën në provincën jugore Guangdong të Kinës gjatë katër ditëve të fundit, ku shirat e rrëmbyeshëm shkaktuan përmbytje dhe rrëshqitje dheu, duke shkatërruar mijëra shtëpi të ulëta dhe duke dëmtuar rrugë dhe të korra.
Eight people are missing after a landslide, triggered by heavy rain, occurred in Xinhuang County of central China’s Hunan Province on Sunday, with emergency search and rescue operation busy underway.https://t.co/Dma6oHuoin pic.twitter.com/ns5SITIBf0
— CCTV+ (@CCTV_Plus) June 23, 2024
