Të paktën tetë palestinezë u vranë të shtunën në një sulm ajror izraelit në një shkollë ku civilët e zhvendosur ishin strehuar në veri të Gazës.
Mjekët palestinezë konfirmuan se dy gra dhe dy fëmijë ishin në mesin e të vrarëve në shkollën Halawa në Jabaliya, ndërsa edhe 30 persona u plagosën.
Dëshmitarët okularë thanë se një dron izraelit goditi një dhomë brenda shkollës.
Ushtria izraelite tha se kishte në shënjestër anëtarët e Hamasit që vepronin nga shkolla. Ky justifikim është përdorur shpesh në incidente të ngjashme në të kaluarën.
Izraeli filloi një ofensivë në shkallë të gjerë në veri të Gazës më 5 tetor, duke pretenduar se synonte ta parandalonte grupin e rezistencës palestineze Hamas nga rigrupimi. Megjithatë, palestinezët akuzojnë Izraelin se kërkon ta pushtojë rajonin dhe ta zhvendosë me forcë popullsinë.
Ushtria izraelite ka vazhduar luftën e saj gjenocidale në Gaza, e cila ka vrarë më shumë se 46.500 palestinezë, kryesisht gra dhe fëmijë, që nga sulmi i Hamasit më 7 tetor 2023, pavarësisht nga një rezolutë e Këshillit të Sigurimit të OKB-së që bën thirrje për një armëpushim të menjëhershëm.
Izraeli gjithashtu përballet me një padi për gjenocid në Gjykatën Ndërkombëtare të Drejtësisë për luftën e tij vdekjeprurëse në Gaza.
