Një tërmet me magnitudë 6,8 goditi goditi qytetin Xigaze në Rajonin Autonom Xizang, emri lokal për Tibetin, transmeton Anadolu.
Tërmeti i fuqishëm ndodhi në orën 9.05 të mëngjesit me orën lokale, në një thellësi prej 10 kilometrash.
Numri i të vdekurve nga tërmeti ka arritur në 53, ndërsa të paktën 62 të tjerë u plagosën, sipas agjencisë shtetërore Xinhua News.
Zyrtarët lokalë po shkojnë në qytete të ndryshme për të vlerësuar ndikimin e tërmetit, ndërsa ushtria kineze ka dërguar dron për të vëzhguar epiqendrën pas tërmetit.
Ndërkohë, Shërbimi Gjeologjik i SHBA-së regjistroi tërmetin me magnitudë 7,1 ballë.
Presidenti i Kinës Xi Jinping ka udhëzuar autoritetet që të ndërmarrin përpjekje “të gjithanshme” për të kërkuar dhe shpëtuar njerëzit e bllokuar.
Komanda perëndimore e Ushtrisë Çlirimtare Popullore ka përgatitur planin e saj të emergjencës për ndihmën ndaj fatkeqësive, të përbërë nga transporti, avionë mjekësorë, helikopterë dhe forca tokësore, për të ndihmuar me operacionet e ndihmës.
