Të paktën 15 persona humbën jetën nga përmbytjet në shtetin lindor të SHBA-së, Kentaki, pas reshjeve të mëdha të shiut, njoftoi guvernatori Andy Beshear.
Sipas tij, në mesin e viktimave ka edhe fëmijë, raportoi AP.
Beshir shpalli gjendjen e jashtëzakonshme në gjashtë rrethe dhe theksoi se numri i viktimave pritet të dyfishohet.
Ai shtoi se mund të duhen vite për t’u rikuperuar nga dëmi i shkaktuar.
“Tani për tani kemi të bëjmë me një nga përmbytjet më të këqija, më shkatërruese në historinë e Kentakit. Qindra do të humbasin shtëpitë e tyre,” tha Beshear, raportoi Reuters.
Garda Kombëtare dhe policia e shtetit u aktivizuan me helikopterë dhe varka për të shpëtuar njerëzit e bllokuar nga përmbytjet, shtoi Beshir.
Ai theksoi se më shumë se 200 persona janë në strehimore.
Autoritetet thonë se 33 mijë shtëpi ishin pa energji elektrike në Kentakin lindor dhe Virxhinian Perëndimore. /euronews
