Komandanti ushtarak i Ukrainës, gjenerali Oleksandr Syrskyi, tha se “Ukraina po përballet me vështirësi në luftën kundër pushtimit rus”, ndërsa forcat ruse përparojnë në front dhe trupat nga Koreja e Veriut përgatiten t’i bashkohen operacionit ushtarak të Kremlinit.
“Situata është ende sfiduese dhe tregon shenja përshkallëzimi. Armiku, duke përdorur avantazhin e tij të informacionit, vazhdon veprimet sulmuese dhe i fokuson përpjekjet e tij në drejtimet e Pokrovsk dhe Kurakhov,” i tha Syrskyi komandantit të komandës ushtarake amerikane në Evropë, Gjeneral Christopher Cavoli, përmes Facebook, shkruan Reuters.
Presidenti i Ukrainës Volodymyr Zelensky tha në fjalimin e tij publik mbrëmjen e së shtunës se komandanti i ushtrisë ukrainase është i fokusuar në mbrojtjen rreth qytetit të Kurakhovo, i cili është një nga objektivat e sulmeve ruse, dhe Pokrovsk, qendra logjistike në veri të vendit.
Ai dënoi sulmet ndaj objektivave civile dhe u bëri thirrje vendeve evropiane që të ofrojnë më shumë sisteme kundërajrore për ushtrinë ukrainase. /abcnews
