PËRBËRËSIT: 250 g kërpudha, 1 kokërr qepë e madhe, 1 lugë gjelle gjalpë, 2 lugë gjelle vaj ulliri, 2 lugë gjelle miell, 500 ml qumësht, 1.5 litra ujë ose lëng pule, ½ lugë çaji kripë, pak piper dhe spec i kuq.
PËRGATITJA: Në një enë të thelle skuqim me 1 lugë gjelle gjalpë, vaj ulliri dhe kripë qepën e grirë imët dhe më pas shtojmë kërpudhat e prera në copa te vogla. I përziejmë disa herë derisa të skuqen. Më pas shtojmë miellin, e trazojmë mirë dhe fillojmë shtojmë pak nga pak ujin ose lëngun e pulës të cilin e kemi zier mënjanë dhe është i nxehtë. I përziejmë vazhdimisht të gjitha me kujdes dhe vazhdojmë duke shtuar qumështin që gjithashtu e kemi të nxehtë. E rregullojmë me pak piper dhe kripë nëse është e nevojshme dhe e lëm të marre valë. Pas kësaj e ulim temperaturën dhe e lëm të ziejë në temperaturë mesatare derisa të gjithë përbërësit e supës të jenë gati përreth 30 – 40 minuta. Para se ta shërbejmë e zbukurojmë me spec të kuq të ëmbël ose djegës.
Kjo recetë u përgatit nga Rozafa_cooking
