Ushtria izraelite ka përshkallëzuar ndjeshëm sulmet në orët e fundit, duke kryer goditje ajrore të njëkohshme në të gjithë Rripin e Gazës.
Sulmet janë përqendruar kryesisht në lagje të dendura me banesa, shkolla të improvizuara dhe ndërtesa rezidenciale, ku civilët kanë kërkuar strehim.
Sipas raportimeve, të paktën 200 palestinezë janë konfirmuar të vrarë dhe qindra tjerë janë plagosur, me pritshmëri që bilanci të rritet.
Dëshmitarët në terren raportojnë për një prani të vazhdueshme të dronëve dhe avionëve luftarakë izraelitë mbi zonat e sulmuara. Mes viktimave ka foshnja të sapolindura, fëmijë, gra dhe të moshuar, si dhe disa udhëheqës të lartë të Hamasit, të cilët janë konfirmuar të vrarë nga sulmet ajrore.
Raportohet se sulmet janë kryer pa asnjë paralajmërim, edhe në zonat e përcaktuara më parë si zona të sigurta humanitare, përfshirë al-Mawasin. /mesazhi
