Policia e Gjermanisë bëri të ditur se një person i armatosur me thikë, ka plagosur të shtunën katër persona në Mynih, por se asnjëri nga të plagosurit nuk është në rrezik për jetën, transmeton Anadolu Agency (AA).
Policia e Mynihut u ka bërë thirrje qytetarëve në rajonin Rosenheimer Platz të mos dalin nga shtëpitë e tyre, meqë sulmuesi është larguar nga vendi i ngjarjes.
Përmes profilit në Twitter policia ka njoftuar për angazhimin e të gjitha resurseve njerëzore në kërkim të autorit të sulmit. Sulmuesi është përshkruar si një burrë i moshës rreth 40 vjeçare, me një biçikletë të zezë, pantalona ngjyrë gri dhe xhaketë të gjelbër.
