Qytetarë dhe organizata të ndryshme civile sot po mblidhen në xhaminë Fatih në Stamboll të Turqisë, për të protestuar kundër vendimit të SHBA-ve për njohjen e Jerusalemit si kryeqytet të Izraelit, raporton Anadolu Agency (AA).
Qytetarët të cilët u mblodhën në oborrin e xhamisë Fatih bënë tekbir dhe brohoritën slogane “Izraeli vrasës, SHBA bashkëpunëtore”, “Al-Kuds është dhe do të mbetet i yni”, “Selam Al-Kudsit, vazhdim rezistencës”.
Protestuesit të cilët mbajnë flamuj të Turqisë dhe të Palestinës, po ashtu mbajnë pankarta me mbishkrime “Al-Kuds është lavdia e muslimanëve”, “Al-Kuds është nder i muslimanëve”, “Al-Kuds është pavarësia dhe e ardhmja e muslimanëve”.
Pritet që pas namazit të xhumasë, protestuesit të mbajnë një marshim drejt Saraçhanes.
Ndërkaq sot edhe qytetarët e qyteteve Konya, Şanlıurfa, Mardin dhe të shumë qyteteve të tjera Turqisë po protestojnë kundër njohjes së Jerusalemit si kryeqytet të Izraelit.
